Lea-Artibai eta Mutriku

Egitaraua

Uztailak 3, gaur

21:00. Jaiei hasiera emateko bolanderak eta Salbea.

Uztailak 4, bihar

12:00. Meza Nagusia

Ondoren. Tortilla Txapelketa.

13:00. Herriko umeen pandero erakustaldia.

18:00. Baserri jokoak, Kulki taldearen eskutik.

Ondoren. Txokolatada.

22:00. Rock kontzertua: Sorkun & Vicepresidentes, Kerobia eta Latzen.

02:00. Erromeria Akerbeltz taldeagaz.

Uztailak 5, etzi

12:00. Hildakoen aldeko meza.

14:00. Hirugarren adinekoen bazkaria, kultur etxean.

17:00. Briska Txapelketa.

19:30. Ume Handien jolasak.

22:00. Kontzertuak: Zaunka, Sarkor eta Drindots.

Uztailak 6, etzidamu

12:00. Meza nagusia.

18:00. Bertso jaialdia: Aitor Mendiluze, Gorka Ostolaza, Jesus Mari Irazu, Jon Maia, Sebastian Lizaso eta Xabi Paia.

Ondoren. Oletako hiru jatetxeen eskutik, lagun birentzako hiru afari ederren zozketa egingo da.

Uztailak 7, astelehena

18:00. Mozorro lehiaketa.

Ondoren. Bertso-Triki poteoa. Bertsolariak: Xabier Enbeita, Ander Elortegi eta Gorka Lazkano.

23:00. Erromeria, Joxpa eta Luhartz taldeen eskutik.

############

Sanmartinak bertso, jolas eta txapelketa artean datoz

Jaiak Gaueko autobus zerbitzuari esker, Amorotoko bizilagunek ez ezik, inguruko herritarrek ere jaietara joateko aukera daukate.

asier alkorta

Aurten ere gogor datoz Amorotoko San Martin Jaiak. Txokolatada, txapelketa eta kontzertu artean, herritarrak gaur gauetik astelehen gauera arte jaian murgilduta egongo dira.

Beste behin ere, tortilla txapelketa egiten hasi eta erromeria alai bategaz amaituko dira jaiak. Tortilla egin eta lehiaketara aurkezten dutenen artean, hiru sari banatuko dituzte antolatzaileek: sukaldarien txanoak eta txakolin botila bi, amantala eta zartagina.

Gaueko autobus zerbitzua

Kontzertuei dagokienez, barikuko kontzertua berezitasunagaz dator aurten: Su Ta Garrek ez du joko. Hala ere, eskaintza onik ez da faltako. Zortzi euro balioko ditu sarrerak. Gainerako egunetakoak doan izango dira.

Udalak inguruko herrietako bizilagunekin pentsatu du aurten ere, eta barikuan, zapatuan eta astelehenean autobus zerbitzua egongo da Lekeitiotik; bariku gauetik zapatu goizera bitarteko zerbitzua 07:00etan amaituko da eta zapatutik domekarakoa eta astelehenetik martitzenerakoa 06:30ean.

Dena prest daukate herritarrek. Eta gogorik ere ez zaie falta gaur bertan jaian barneratu eta datozen egunetarako prestatu dituzten ekimen guztietan parte hartzeko.

############