Lea-Artibai eta Mutriku

Goiz jaiki ziren atzo ere Amorotoko txikienak. Gosaldu, kalera irteteko arropa jantzi eta herriko erdigunerantz abiatu ziren. Aste Santuan egonik, oraindik ez dute eskolarik, baina Lea Ibarreko Amankomunazgoak antolatutako ludoteka hitzordu ezinhobea bilakatzen da gaztetxo hauentzako.

Pozik eta saltoka sartzen dira Amorotoko ludoteka aretora. Beraiek baino arinago heldu diren lagunak agurtu ostean, entretenitzeko zer edo zerren bila hasten dira gela osoan. Oihana Eizagirre beraiekin egoten da, hezitzailea da eta gustura ikusten da umez inguratuta. «Aste Santuetako egun hauetan aspertu ere egin daitezke umeak eta horri aurre egiteko, ordu batzuetan bada ere, ludoteka hau antolatu da».
Izan ere, Amoroton ez ezik, Gizaburuagan ere egoten da ludoteka hau zabalik. Amoroton goizez, 10:00etatik 13:00etara, eta Gizaburuagan arratsaldez, 16:00etatik 20:00etara. Ordu horietan, eskulanak, margoek eta bestelako jolasek eguneroko errutinari lekua hartzen diote ludoteka honegaz.
Jarraipana paperezko edizioan...